Home  |  Organisatie  |  Vacatures
 
18 juni 2018
 

Persberichten

Huidige artikelen

donderdag 16 juni 2016 - Cobransa di grondbelasting 2016 a sali

E cobransa tin fecha di 30 di juni 2016

ORANJESTAD – Departamento di Impuesto ta participa cu e cobransanan di grondbelasting di aña 2016 a sali. E cobransa tin fecha di 30 di juni 2016 y den e dianan venidero e clientenan lo ricibi esaki via post. Manera custumber, un cliente por scoge pa paga su grondbelasting den un solo biaha of den termino. Departamento di Impuesto ta conseha tur cliente pa lesa e texto imprimi riba e cobransa cu hopi atencion. Asina e clientenan ta pone nan mes miho na altura tambe di e tipo di cobransa aki.

No a ricibi cobransa?
Pa dia 30 di juni 2016 tur cliente mester a ricibi nan cobransa. Si esaki no a sosode, mester acudi mas pronto posibel na oficina principal y pidi un duplicado. E persona cu ta pidi e duplicado mester identifica su mes sea cu cedula, paspoort of rijbewijs valido.

Termino di pago
Aki ta sigui un skema di e terminonan di pago manera stipula pa ley: 

Grondbelasting 2016 fecha 30 di juni 2016

Termino di pago

Fecha final pa haci pago

Suma di pago rekeri segun ley

E prome 2 terminonan di pago

31 di juli 2016

50% di e suma di cobransa pa cubri e prome y di dos kwartaal (jan – maart y april – juni).

Di tres termino di pago

30 di september 2016

25% di e suma di cobransa pa cubri e di tres kwartaal (juli – sept).

Di cuater termino
(ultimo termino)

31 di december 2016

25% di e suma di cobransa pa cubri e ultimo kwartaal (oktober – december).

Pa dia 31 di december 2016 e cobransa di aña 2016 mester ta completamente paga.

 

Haci pago
Por haci pago na Departamento di Impuesto mes, na un oficina di gobierno den districto of via banco. Pa e clientenan cu ta paga via banco, ta sumamente importante pa ora di haci e pago pa nan menciona e number di referencia yama ‘Gegevens-ID’, cu ta aparece riba e cobransa.
Pa e descripcion ta completo, ta bon pa pone acerca cu ta trata di ‘Grondbelasting 2016’ y menciona e persoonsnummer cu ta aparece riba e cobransa. Di e forma aki Departamento di Impuesto por procesa e pagonan corectamente.

Areglo di pago
E cliente cu no por paga su cobransa di acuerdo cu e terminonan legal, por haci un peticion pa areglo di pago. Mester haci e peticion aki mas pronto posibel. Asina e cliente mes por evita cu Departamento di Impuesto ta continua cu e proceso di cobramento cu gradualmente por bira mas severo, locual por nifica tambe gasto extra pa e cliente. Pa e areglo di pago mester pasa na seccion Servicio pa cliente na Camacuri of haci un cita cu un funcionario encarga cu cobramento.

Obhecion
Si un contribuyente no ta di acuerdo cu su cobransa, e por entrega un carta di obhecion, den cual e ta splica na un manera cla cua ta e motibonan di su obhecion. Pa e cobransa di 2016, mester entrega e carta aki no mas laat cu dia 30 di augustus 2016.
En principio un cliente por a haci obhecion solamente pa aña 2012 debi cu aña 2012 tawata e prome aña di e actual ciclo di 5 aña esta 2012-2016. Solamente si den aña 2016, a presenta un situacion extraordinario por ehempel renobacion of destruccion (candela/horcan) cu a causa un cambio considerabel na e balor di e propiedad, e ora e cliente por haci obhecion pa aña 2016.

Ora di haci obhecion ta recomendabel pa e cliente pone un number di telefon den su carta. Asina e seccion di grondbelasting por tuma contacto cu e cliente principalmente si ta trata di un caso pa cual mester haci inspeccion na un of mas propiedad. Un cliente por pidi Inspector tambe pa scuch’e prome cu tuma un decision.

Pospone pago den caso di obhecion
Den caso cu un cliente a haci obhecion, ta posibel tambe pa e haci un peticion pa pospone e pago (uitstel van betaling) riba e cobransa. Por pospone e pago sea completamente of parcialmente te ora Inspector tuma un decision riba e obhecion. Esaki lo evita gasto extra por ehempel gasto di aanmaning of dwangschrift. Departamento di Impuesto ta dicidi si ta honra e peticion pa posponemento di pago of no.

Departamento di Impuesto tin e formulario ‘Bezwaar/Uitstel van betaling aanslagen’ cu cliente por uza pa haci obhecion y haci peticion pa pospone pago. Por haya e formulario na Departamento di Impuesto of via e website: www.impuesto.aw.

Mas informacion
Pa mas informacion tocante e cobransa por acudi na Departamento di Impuesto y pidi un cita cu un funcionario di grondbelasting. Pa e cita ta importante pa e cliente bin cu su cobransa, un taxatierapport (no mas bieu cu 3 aña) of e mapa cu a wordo entrega na DOW, polisa di seguro di candela y e acta di notario.

Gerencia di Departamento di Impuesto
16 di juni 2016

 

Filter op maand

mei 2018 (5)
april 2018 (4)
maart 2018 (13)
februari 2018 (4)
januari 2018 (6)
december 2017 (5)
november 2017 (6)
oktober 2017 (2)
september 2017 (6)
augustus 2017 (1)
juli 2017 (1)
juni 2017 (6)
mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)